Pitit Kay Ayiti se yon òganizasyon ki fonde nan mwa jiyè 2014 ak objektif e ambyisyon pou kreye yon chanjman pozitif ak yon demen miyò. Nou ofri yon anviwònman kè kontan ak bon jan akèy bay tout timoun yo ki chaje ak gwo rèv. Nou gen konviksyon ke chanjman saa ka rive etabli nan kreye bon jan anviwònman pou timoun yo e fè yo santi nou se yon sèl kòd fanmi, kote yo gen chans jwi menm previlèj yo. Objektif nou se ankouraje e sipòte devlòpman timoun yo, ede yo develope konpetans yo, ba yo bon jan edikasyon ak valè k'ap pèmèt yo tounen sitwayen responsab ak pwodiktif nan sosyete a.

Objektif nou se etabli yon anviwònman sekirite ak swen ki baze sou edikasyon yon kretyen ki djanm. Nou vize pou gide timoun yo pandan jenès yo jiskaske yo vin sitwayen konplè e onèt nan lavi pwofesyonèl, espirityèl, ak sosyal yo. N'ap travay pou bay chak timoun opòtinite yo pou rive montre potansyèl yo sou plan espirityèl, emosyonèl, ak pèsonèl yo. Timoun yo patisipe nan aktivite legliz regilyèman, lekòl lokal yo, ak patisipe nan aktivite ki fèt apre lekòl nan kominote a. Sa ede yo santi yo an sekirite epi fè eksperyans nan divès domèn ki pral fè yo tounen bon jan sitwayen kap travay nan kominote yo.

Avni Pitit Kay Ayiti ap toujou depann sou previzyon Bondye fè atravè kè ak men zanmi nou yo. Nou ap travay pou nou genyen kay pa nou kap sèvi nou espas pou akeyi ak reyini ak timoun nou yo, men nou pa kapab rive realize objektif sa a poukont nou. Enterè ak sipò ou yo enpòtan paske sa ankouraje timoun nou yo. Sa montre yo ke yo enpòtan pou nou ak zanmi nou yo. Jès ou yo fè gwo enpak e sa voye yon mesaj ki rete grave nan memwa yo pandan tout lavi yo.